«Ει τις πίστει
χειραγωγούμενος, αγαθόν και παντοδύναμον και αληθές και σοφόν και δίκαιον το
θείον λογίσηται, ευρήσει πάντα λεία και ομαλά και οδόν ευθείαν. Εκτός γαρ
πίστεως αδύνατον σωθήναι. Πίστει γαρ πάντα, τα τε ανθρώπινα τα τε πνευματικά,
συνίστανται. Ούτε γαρ γεωργός εκτός πίστεως τέμνει γης αύλακα, ούτε έμπορος
μικρώ ξύλω την εαυτού ψυχήν τω μαινομένω της θαλάσσης πελάγει παραδίδωσιν, ου
γάμοι συνίστανται, ουχ άλλοτι των εν τω βίω. Πίστει νοούμεν εκ του μη όντος εις
το είναι τα πάντα τη του Θεού δυνάμει παρήχθαι· πάντα, τα τε θεία ως τα
ανθρώπινα, πίστει κατορθούμεν. Πίστις δε έστιν απολυπραγμόνητος συγκατάθεσις.
Πάσα μεν ουν πράξις και θαυματουργία του Χριστού μεγίστη και θεία και θαυμαστή,
αλλά πάντων εστί θαυμαστότερον ο Τίμιος Σταυρός. Δι΄ ουδενός γαρ ετέρου ο
θάνατος κατήργηται, η προπάτορος αμαρτία λέλυται, ο άδης εσκύλευται, η
ανάστασις δεδώρηται, δύναμις ημίν του καταφρονείν των παρόντων και αυτού του
θανάτου δέδοται, η προς την αρχαίαν μακαριότητα επάνοδος κατώρθωται… Θεού
κληρονόμοι γεγόναμεν δια του Σταυρού του
Κυρίου ημών Ιησού Χριστού».
(Έκδοσις Ακριβής της
Ορθοδόξου Πίστεως).
Δεν υπάρχουν σχόλια:
Δημοσίευση σχολίου